එක්සත් ජාතීන්ගේ මානව හිමිකම් කවුන්සිලයට ශ්රී ලංකාවට එරෙහිව කරුණු දැක්වීමේ අරමුණින් දෙමළ ජාතික සන්ධාන උතුරු පළාත් සභා මැති ඇමැතිවරුන් හත්දෙනෙකුගෙන් යුත් කණ්ඩායමක් මාර්තු මුල් සතියේ දී ස්විස්ටර්ලන්තයේ ජිනීවා නුවර බලා පිටව යාමට නියමිත බව සඳහන් වේ.
මෙම කණ්ඩායමේ මූලිකත්වය තමන් සහ උතුරු පළාත් ඇමැතිනී ආනන්දි ශෂිදරන් විසින් ගන්නා බවත් සංචාරයට සහභාගී වන මන්ත්රීවරුන්ගේ නම් ලැයිස්තුව දෙමළ ජාතික සන්ධානයේ නායක ආර්.සම්බන්ධන් සහ පළාත් සභාවේ සභාපති සී.වී.කේ සිවඥානම් වෙත ඉදිරි සතිය තුළ ඉදිරිපත් කරන බවත් එම සන්ධානයේ උතුරු පළාත් සභා මන්ත්රී එම්.කේ.සිවාජිලිංගම් පවසා ඇත.