ජනාධිපති ට්‍රම්ප්, Bump-stock devices තහනම් කරයි.
අමෙරිකානු ජනාධිපති ඩොනල්ඩ් ට්‍රම්ප් විසින් Bump-stock devices (අර්ධ ස්වයංක්‍රීය ගිනි අවියක උණ්ඩ විසුරුවා හැරීමේ ශීඝ්‍රතාව වැඩි කරන උපාංග) තහනම් කිරීමට නියෝග කර ඇති බව විදෙස් මාධ්‍ය සඳහන් කර සිටී.
මෙලෙස තහනම් නියෝගයක් කිරීමට හේතුවී ඇත්තේ, පසුගිය වසරේ සංගීත ප්‍රසංගයකදී පුද්ගලයින් 58 දෙනෙකු ඝාතනය කිරීම සිද්ධියක් සැලකිල්ලට ගෙන බව සඳහන් වේ. එම අවස්ථාවේදී මෙම උපාංගය භාවිත කර ගනිමින් විනාඩියකදී උණ්ඩ සිය ගණනක් නිකුත් කර ඇති බව සනාථ වී තිබෙන බවත් පැවසේ.