බස්නාහිර පළාතේ රෝහල්වල රෝගීන් සහ ශල්යකර්ම සදහා භාවිතා කරන රෙදි ස්වයංක්රීය යන්ත්ර සූත්ර මඟින් පිරිසිදු කිරීමේ ව්යාපෘතියක් සදහා ගිවිසුම් අත්සන් කිරිම සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්නගේ ප්රධානත්වයෙන් හෙට (22) කොළඹ දී සිදු කිරීමට කටයුතු යොදා ඇති බව වාර්තා වේ.
ඉන්දීය සමාගමක් විසින් ව්යාපෘතිය ක්රියාත්මක කරන අතර, ආයෝජන මුදල ඇමරිකානු ඩොලර් මිලියන 7.5 ක් වන බව පැවසේ. මෙතෙක් කල් රෝහල්වල රෝගීන් සහ ශල්ය කර්ම සදහා භාවිත කරන රෙදි පිරිසිදු කිරීමේ කටයුතු සිදු කරනු ලැබුයේ විවිධ ක්රම මඟින් වන බවත්, නව තාක්ෂණය ඔස්සේ එය සිදු කිරීමේ අරමුණින් මෙම ව්යාපෘතිය ක්රියාත්මක කරන බවත් සෞඛ්ය අමාත්යවරයා පවසා ඇත. මෙම ව්යාපෘතිය අනෙකුත් රෝහල්වලද ඉදිරියේ දී ක්රියාත්මක කිරීමට නියමිත බවත් සඳහන් වේ.