මේ වසර අවසානයේ දී පැවැත්වීමට නියමිත ජනාධිපතිවරණය සඳහා ශ්රී ලංකා නිදහස් පක්ෂයට සහ පොහොට්ටුවට තම අපේක්ෂකයා තෝරාගැනීම පිළිබඳ ගැටළු සහගත තත්වයකට පත්ව ඇති බව වාර්තා වේ. පැවැත්වීමට නියමිතය ජනාධිපතිවරණයේදී මෛත්රිපාල සිරිසේන යළිත් අපේක්ෂකයා ලෙස නම් කිරීම්ට ශ්රී ලංකා නිදහස් පක්ෂය තීන්දුකර ඇති බව කියවේ. එම තීන්දුව සඳහා මහින්ද රාජපක්ෂගේ කැමැත්තද මේ වන විට ප්රකාශ වී ඇති ඇති බව සඳහන්ය. මෙම තීන්දුව ක්රියාවට නැගුනහොත් පොහොට්ටුවේ බැසිල් රාජපක්ෂ පාර්ශවය විසින් ස්වාධීන අපේ අපේක්ෂකයෙකු ඉදිරිපත් කිරීමට පවතින සූදානමක් පිළිබඳව ද සාකච්ඡාවක් පවතී පවතින බව වාර්තා වේ. සිරිසේන ජනාධිපතිවරයා ඊලග ජනාධිපතිවරණය කිසිසේත් ජයග්රහණය නොකරන බව ශ්රී ලංකා පොදුජන පෙරමුණේ බැසිල් රාජපක්ෂ කණ්ඩායමේ අදහස් වී ඇත. එසේ වුවහොත් ජනාධිපතිවර්ණය පරාජය වීම මතම එළබෙන මැතිවරණයද දැඩි පරාජයක් තම පක්ෂය වෙත හිමිවනු ඇති බව ඔවුන් විශ්වාස කරයි . මේ අතර ගෝඨාභය රාජපක්ෂ ජනාධිපතිවරණ අපේක්ෂකයා ලෙස පොහොට්ටුවෙන් ඉදිරිපත් විය යුතු යැයි ජාතිවාදී සහ ආගම්වාදී අදහස් දරන කණ්ඩායම් වල අදහස් වී තිබුණද ඇතැම් ජන කොටස් ගෝඨාභය රාජපක්ෂට දක්වන දැඩි අකමැත්ත සහ විරෝධය නිසාම ඔහු පොහොට්ටුවෙන් ජනාධිපතිවරණ අපේක්ෂකයා ලෙස ඉදිරිපත් කිරීම්ට බැසිල් රාජපක්ෂ කණ්ඩායමද දැඩි විරෝධයක් පළ කර ඇත. විශේෂයෙන් බැසිල් රාජපක්ෂ නායකත්වය දක්වන කණ්ඩායමේ පාර්ශව වී ඇත්තේ ජනාධිපතිවරණය ජයග්රහණය කිරීමට තම පක්ෂයට කළ හැකි බවත් ඒ නිසා පොහොට්ටු නියෝජනය කරන අයෙකු අනිවාර්යයෙන් ම මේ සඳහා ඉදිරිපත් කළ යුතු බවය මෙහෙදී බැසිල් රාජපක්ෂට ප්රමුකතාවය දිය යුතු බව එම කණ්ඩායමේ අදහස් වී ඇත.