උපන් දිනේට ලක්ෂ 80 පාටියක්.
වත්මන් ආණ්ඩුවේ ඇමතිවරයකු සිය උපන්දින සාදය සැමරීම සඳහා තම අමාත්‍යංශයට අයත් සංස්ථාවකින් රුපියල් ලක්ෂ 80ක් වැයකර ඇති බව හෙළිවන්නේ යැයි දූෂණ විරෝධී හඬ සංවිධානයේ කැඳවුම්කරු වසන්ත සමරසිංහ පවසයි.
මෙම සංස්ථාවේ සභාපතිවරයා ඇමතිවරයාගේ සමීපතමයකු බව පැවසෙන අතර සිය නිවසේ සේවය කිරීම සඳහා එම සංස්ථාවේ සේවකයින් යොදා ගැනීමටද ඇමතිවරයා කටයුතු කර ඇතැයි ද පැවැසෙන අතර, සංස්ථාවේ සභාපතිවරයාට විරුද්ධව එහි සේවකයින් මාස කිහිපයක සිට දැවැන්ත විරෝධතාවයක් එල්ල කරමින් සිටින බවත්, මහ ජනතාවගේ ධනය නාස්ති කරමින්, වංචා කරමින් ගෙනගිය රාජපක්ෂ පාලනයට විරෝධය පළකරමින් පත්වූ වත්මන් යහපාලන ඇමතිවරුන් ද එහි කොටස්කරුවන් බවට පත්ව ඇති බැවින් ඔවුන් හෙළිදරව් කිරීමට දූෂණ විරෝධී හඬ සංවිධානය සූදානම් බවත් වසන්ත සමරසිංහ වැඩි දුරටත් පැවැසුවේ ය.