රාජ්ය බැංකුවක් වූ ලංකාපුත්ර සංවර්ධන බැංකුවේ ඇති ව ඇති තත්වය සම්බන්ධයෙන් ලංකා බැංකු සේවක සංගමය මාධ්ය නිවේදනයක් නිකුත් කරමින් එම බැංකුවේ සභාපති ලෙස කටයුතු කරන ලසන්ත ගුණවර්ධන ට එම තනතුරේ තව දුරටත් රැදී සිටීමට කිසිදු අයිතියක් නොමැති බව ප්රකාශ කරයි.එසේම 2016-03 -24 දින සිට ගනු ලැබූ සියලු තීන්දු මුළුමුනින්ම නීති විරෝධී බවද, 2016 -06 -28 වන දින අත්තනෝමතික ලෙස සේවයෙන් ඉවත් කරණ ලද සාමාන්යාධිකාරී ලෙස කටයුතු කරනු ලැබූ ලසන්ත අමරසේකර ඉවත් කිරීමද නීති විරෝධී බව සදහන් කරයි. මෙම සභාපතිවරයා මහ බැංකුව මගින් ලබා දුන් තීන්දු සහ උපදෙස් පිළිගෙන කටයුතු නොකළ බවත් සදහන් වේ.
විශේෂයෙන් පාර්ලිමේන්තු කෝප් කමිටුව විසින් හදුනාගත් සිදුවීම ගණනාවක් ඇති බවත්,තව දුරටත් සභාපති ලෙස එම තනතුරේ කටයුතු කිරීම නීති විරෝධී මෙන්ම, සදාචාර විරෝධී බවද ලංකා බැංකු සේවක සංගමය පෙන්වා දෙයි.