මාධ්‍ය ආයතන ඩිජිටල්කරණය වේ.
ශ්‍රී ලංකාවේ මාධ්‍ය ආයතන ඩිජිටල්කරණය කිරීම පිළිබඳව විශේෂ හමුවක් ජපානයේ අභ්‍යන්තර කටයුතු හා සන්නිවේදන අමාත්‍යංශයේ විශේෂ උපදේශක නාඕකි ඕතා ( Naoki Ohta ) හා පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක අතර පැවැත්විනි. පාර්ලිමේන්තු ආණ්ඩුපක්ෂ ප්‍රධාන සංවිධායක කාර්යාල පරිශ්‍රයෙහි පැවති මෙම හමුව සඳහා ශ්‍රී ලංකාවේ ජපාන නියෝජ්‍ය තානාපති කෝජි යාගි ( Koji Yagi ) ජපානයේ අභ්‍යන්තර කටයුතු හා සන්නිවේදන අමාත්‍යංශයේ නිළධාරීහු පිරිසක් සහ ජනමාධ්‍ය අමාත්‍යංශයේ අතිරේක ලේකම්( සංවර්ධන ) බී. කේ. එස්. රවීන්ද්‍ර එක්වූහ.