ශ්රී ලංකා නාවික හමුදාවේ 69 වන සංවත්සරය අදට යෙදී තිබේ. ශ්රී ලංකා ස්වේච්ඡා නාවික හමුදාව ලෙසින් 1937 වසරේ දී පළමුව ස්ථාපිත කරන ලද නාවික හමුදාව, දෙවන ලෝක යුද්ධයෙන් පසුව ශ්රී ලංකා රාජකීය ස්වේච්ඡා නාවික උපසේවය නමින් බ්රිතාන්ය රාජකීය නාවික හමුදාව වෙත අන්තර්ග්රහනය කර ගෙන ඇත.
ශ්රී ලංකාව බ්රිතාන්ය යටත් විජිතයෙන් නිදහස ලැබීමෙන් පසුව, ශ්රී ලංකා රාජකීය නාවික හමුදාව ලෙස 1950 දෙසැම්බර් මස 09 වන දින ස්ථිර නාවික හමුදාවක් ස්ථාපිත කළ අතර, මෙම රාජකීය නාවික හමුදාව 1972 වසරේ ශ්රී ලංකාව ජනරජයක් බවට පත්වීමෙන් පසුව ශ්රී ලංකා නාවික හමුදාව බවට පත්විය.