ඔස්ට්‍රේලියාව පියවර තුනකට විවෘතයි
කොරෝනා වෛරසය හේතුවෙන් වසා දමා තිබෙන ඕස්ට්‍රේලියාව නැවත විවෘත කිරීමට තීරණය කර තිබෙන බව edition.cnn
වෙබ් අඩවිය වාර්තා කරයි. එලෙස සිදුකරන්නේ අදියර 03 ක් යටතේ බවයි සඳහන් වන්නේ.
ඕස්ට්‍රේලියාව පසුගිය මාර්තු මාසයේදී වසා දැමීමට කටයුතු කෙරුණු අතර මේ වන විට කොරෝනා ආසාදිතයින් ක්‍රමයෙන් අඩුවෙමින් පවතින බවයි එරට මාධ්‍ය වාර්තා කරන්නේ.
විශේෂ නිවේදනයක් නිකුත් කරමින් අග්‍රාමාත්‍ය ස්කොට් මොරිසන් සදහන් කරන්නේ අදියර 03 ක් යටතේ සිදු කෙරෙන මෙම විවෘත කිරීමට ආසන්න දිනයකදී තීරණය කරන බවයි.
එරට රැකියා අටලක්ෂ පනස් දහසක් යලි ස්ථාපනය කිරීමට කඩිනමින් කටයුතු කරන බවද අග්‍රාමාත්‍යවරයා සදහන් කර තිබිණි.