නව කොරෝනා වෛරස ව්යාප්තියේ නවතම රැල්ලක් ඇතිවේ යැයි ඇතිවූ සැකයක් මත මිලියන 100ක ජනගහණයකින් යුත් චීනයේ ප්රාන්තයක නගර දෙකක් සම්පුර්ණයෙන්ම වසා දැමීමට තීරණය කොට තිබේ. ඊසාන දිග චීනයේ පිහිටි ජිලින් පළාතේ රෝහල් දෙකක් කොරෝනා ආසාදිත රෝගීන් බවට සැක කෙරෙන රෝගීන් සඳහා ප්රතිකාර කිරිම සඳහා වෙන් කිරිමට බලධාරින් පියවර ගෙන ඇත.
ජිලින් ප්රාන්තයේ පිහිටි නගර දෙකක් කේන්ද්ර කරගෙන කොරෝනා වෛරසය ව්යාප්ත වෙමින් පවතින අතර සෙසු නගරවලට බලපෑමක් එල්ල වීම නතර කිරීමේ අරමුණින් අදාළ නගර දෙක වුහාන් නගරය මෙන් නිරෝධායනයට යටත් කිරිමට පියවර ගෙන ඇත.