ආරුමුගන් වෙනුවෙන් ජීවන්
හෘදයාබාධයක් හේතුවෙන් ඊයේ (26) මිය ගිය හිටපු ඇමති ආරුමුගම් තොන්ඩමන් වෙනුවට ඔහුගේ පුත් ජීවන් තොන්ඩමන් පාර්ලිමේන්තු මැතිවරණයට ඉදිරිපත් වීමට නියමිත ය.
සෞම්‍යමුර්ති ආරුමුගම් රාමනාතන් තොන්ඩමන් මියයනවිට 55වන වියේ පසුවිය. ඔහු ශ්‍රී ලංකා කම්කරු කොංග්‍රසය නියෝජනය කරමින්, නුවරඑළිය දිස්ත්‍රික්කයෙන් මෙවර මැතිවරණයට නාම යෝජනා භාර දී තිබිණි. යම් අපේක්ෂකයෙකු මියගිය විට, ඒ වෙනුවෙන් වෙනත් අයෙකු නම් කිරීමට හැකියාව තිබේ.ඒ අනුව ජීවන් තොන්ඩමන්, සිය පියා වෙනුවට පාර්ලිමේන්තු මැතිවරණයට ඉදිරිපත් වීමට නියමිත අතර, තවමත් ඔහුගේ වයස අවුරුදු 26 කි.මේ අතර හිටපු ඇමතිවරයාගේ වැඩිමහලු සහෝදරියගේ පුත්‍රයා වන හිටපු ඌව පළාත් සභා අමාත්‍ය සෙන්දිල් තොන්ඩමන් බදුල්ල දිස්ත්‍රික්කයෙන් මැතිවරණයට නාම යෝජනා ලබා දී තිබේ.