මෙතරම් ආයුධ අපරාධකරුවන් අතට පත් වූයේ කෙසේද යන්න සොයා බැලිය යුතු නොවේද?
රට පුරා සිදුකරන වැටලීම් වලින් විශාල වශයෙන් ගිනි අවි සොයා ගන්නා බව මාධ්‍ය වලින් නිතරම අනාවරණය කරන අතර මෙම ගිනි අවි අපරාධකරුවන් අතට පත් වන්නේ කෙසේද යන්න ප්‍රශ්නාර්ත කරුණකි. මේවා අපරාධකරුවන් අතට පත්වන්නේ කෙසේද යන්න අනාවරණය වන්නේ ඉතා සුළු වශයෙන් වීම ඊට හේතුවයි.
මෙම ගිනි අවි මෙරට අපරාධකරුවන් අතට පත් වන්නේ විදේශ රටවල් හරහාද එසේත් නැතිනම් දේශපාලකයන් හරහාද යන්න සොයා බලා ඒ සදහා අවශ්‍ය කටයුතු නොකරන්නේ නම් කෙතරම් ගිනි අවි සොයා ගත්තද ඉන් පලක් නොවන බව අපගේ මෙන්ම රටේ ජනතාවගේද අදහසයි.
එම නිසා මෙම ගිනි අවි අපරාධකරුවන් සමග අත්අඩංගුවට ගත් පසු එවා අපරාධකරුවන් අතට පත් වූයේ කෙසේද යන්න සොයා මාධ්‍ය මගින් ප්‍රසිද්ධ කළ යුතුය. එසේ නොවන්නේ නම් මෙහි විනිවිධ බාවයක් නොමැත. අත්අඩංගුවට පත්වන මෙම ගිනි අවි අපරාධකරුවන් අතටපත් වූයේ කෙසේද යන්න පිළිබදව ඉදිරියේදී පොලීසිය පවසන්නේ කුමකුද යන්න ගැන අප විමසිල්ලෙන් සිටින්නෙමු.