ලංකාගම ඉඩම් සමග ඉඩම් හුවමාරු කරගෙන එය සිංහරායට පැවරීමට පිරිසක් කැමැත්තෙන්.
ලංකාගම ඉඩමකට තමන්ගේ නමින් ඇති එකම ඉඩම හුවමාරු කර එය සිංහරාජයට පැවරීමට තමන් කැමති බවත් එසේ හුවමාරු කරගැනීමට කැමති අයෙක් වේනම් තමන්ව අමතන ලෙසත් වන සංරක්‍ෂණ දෙපාර්තමේන්තුවේ ගම්පහ, දිසා වන නිලධාරිනී දේවානි ජයතිලක සිය මුහුණු පොතෙහි සටහන් කර ඇත.
ඇය සිය මුහුණු පොතේ මෙම සටහන තැබීමෙන් පසු තවත් බොහෝ දෙනෙක් ඇය හා එක්වෙමින් සිංහරාජ අඩවියට පැවරීම සඳහා ලංකාගම ඉඩම් තම ඉඩම් සමඟ හුවමාරු කරගැනීමට කැමැත්තද පළ කර තිබේ. එහි කැලෑවක් නිර්මාණය කිරීමට තමන් සැලසුම් කර තිබූ බවත්, කුඩා කැලෑවක් නිර්මාණය කිරීමට වඩා සිංහරාජය ආරක්ෂා කරගැනීම වෙනුවෙන් යමක් කිරීම වැදගත් යැයි සිතුණු නිසා මෙම තීරණය ගත් බවද ඇය පවසා ඇත.