වසරක පුහුණුව අවසන් කළ සංවර්ධන නිලධාරීන් සේවයේ ස්ථිර කරන ලෙස ඉල්ලා අද (02) උදෑසන ඒකාබද්ධ සංවර්ධන නිලධාරි මධ්යස්ථානය කොළබ කොටුව දුම්රිය ස්ථානයෙන් විරෝධතා පා ගමනක් ආරම්භ කළ තිබූ අතර පසුව එහි නියෝජිතයන් 10 දෙනෙකුට මුදල් අමාත්යංශයේ අතිරේක ලේකම්තුමිය හා සාකච්ඡාවක් දෙන ලදි.
එම සාකච්ඡාවෙන් පසු ඒකාබද්ධ සංවර්ධන නිලධාරි මධ්යස්ථානයේ ධම්මික මුණසිංහ පැවසුවේ ලබන සතියේ අභ්යාසලාභීන් ස්ථිර කිරීමට අදාළ කැබිනට් පත්රිකාව කැබිනට් මණ්ඩලයට ඉදිරිපත් කරන බවත් ස්ථිර කරන දිනය පුහුණුව වසරක් සපිරෙන දින යොදන බවටත් ලේකම්තුමිය එකඟ වූ බවයි . පසුව ජනාධිපති අතිරේක ලේකම් ශ්රීනාත් ගමගේ හමුවී තම ඉල්ලීම් ලබාදුන් බවත් ඉල්ලීම් ඇතුළත් ලිපිය ජනාධිපති ලේකම් පී.බි. ජයසුන්දර වෙත යොමු කරන බව ඔහු පැවසූ බවත් සදහන් කළේය.