පූගොඩ පොලිස් අත්අඩංගුවේ සිටි තරුණයෙකු මිය යයි.
පූගොඩ පොලීසිය මගින් පසුගිය 11 වැනිදා අත්අඩංගුවට ගෙන රඳවාගෙන සිටි 21 හැවිරිදි වියේ පසු වූ තරුණයෙක් මියගොස් තිබේ. පොලිස් මාධ්‍ය ප්‍රකාශක, නි‍යෝජ්‍ය පොලිස්පති අජිත් රෝහණ පවසා ඇත්තේ අත්අඩංගුවේ පසු වූ අදාල තරුණයා හදිසියේ අසනීප වීම හේතුවෙන් රාගම රෝහලට ඇතුළත් කිරීමෙන් පසු මියගොස් ඇති බවයි.
වැඩබලන පොලිස්පතිවරයාගේ නියෝගය මත මේ සම්බන්ධයෙන් විශේෂ පරීක්ෂණයක් පැවැත්වෙන බවත්, ඒ සඳහා කොළඹ අශ්වාරෝහක කොට්ඨාශය භාර ජ්‍යෙෂ්ඨ පොලිස් අධිකාරීවරයා පත්කර තිබෙන බවත් ඔහු වැඩි දුරටත් පවසා තිබේ.