ත්රිකුණාමලේ තෙල් ටැංකි සංකීර්ණය සම්බන්ධයෙන් ඉන්දියාවේ IOC සමාගම සමඟ අත්සන් කළ ගිවිසුම තාවකාලික ගිවිසුමක් බව පෙන්වා දෙන ජනතා විමුක්ති පෙරමුණේ අනුර කමාර දිසානායක එහි වලංගු කාලය අවසන් වී මාස හයක් ගතව ඇති මුත් තවමත් එය ආණ්ඩුවට පවරා නොගන්නේ මන්දැයි ප්රශ්න කරයි.
එම සමාගම විසින් ගෙවිය යුතු ඇමෙරිකානු ඩොලර් 1000 බද්ධ පවා ගෙවා නොමැති බවද මන්ත්රීවරයා පෙන්වා දෙයි. වත්මන් රජය බලයට පැමිණි අවස්ථාවේ තෙල් ටැංකි සංකීර්ණය පවරා ගන්නා බවට තෙල් සංස්ථාවේ සභාපතිවරයා ප්රකාශ කළ ද දැන් එවැන්නක් සිදුනොවන බව පෙනෙන්නට තිබෙන බවද ඔහු වැඩිදුරටත් සඳහන් කරයි.
තමන්ට දැනෙන ආකාරයට ත්රිකුණාමලයේ තෙල් ටැංකි සංකීර්ණය ආණ්ඩුවට පවරා නොගන්නා බවද දේශප්රේමිත්වය කියන්නේ මහ පොළොව සිප ගැනීම හෝ පපුවට ගසා ගැනීම නොවන බවත් අනුර කුමාර දිසානායක පාර්ලිමේන්තුව අමතමින් ප්රකාශ කරන ලදී.
….ගමගේ…