කොළඹ වරාය නැගෙනහිර පර්යන්තය විකිණීම සඳහා පසුගිය ආණ්ඩුව සේම වත්මන් ආණ්ඩුව ගන්නා ක්රියාමාර්ග පරාජය කිරීමට කටයුතු කරන බව නැගෙනහිර පර්යන්තය සුරැකීමේ වෘත්තීය සමිති එකමුතුව ඊයේ (02) කොළඹදී පැවති මාධ්ය හමුවකදී පැවසීය.
කොළඹ වරයා තුළ ක්රියාත්මක සියලුම අංශයන්ගේ වෘත්තීය සමිති මෙන්ම දේශපාලන පක්ෂවලට අයත් වෘත්තීය සමිතිද මෙම සටනට එක්ව තිබෙන බව පැවසේ. මෙම මාධ්ය හමුවේදී අදහස් පලකරමින් සමස්ත ලංකා වරාය පොදු සේවක සමිතියේ ප්රධාන ලේකම් ජී. නිරෝෂන් පැවසූයේ පසුගිය කාලේ ජාතික සම්පත් සුරකින බවට වත්මන් ජනාධිපතිවරයා ඇතුළු ආණ්ඩුව දුන් පොරොන්දුව ජනතාව විශ්වාස කරමින් ඔවුන් බලයට පත්කර ඇති බවයි. එම පොරොන්දු අමු අමුවේ කඩකරමින් සිටින ගෝඨාභය ජනාධිපතිවරයා ප්රමුඛු ආණ්ඩුවේ ක්රියාමාර්ග පරාජය කිරීම සඳහා සියළුම වෘත්තීය සමිති ඒකාබද්ධවී කටයුතු කිරීමට සූදානම් බව පැවසීය.