උතුරු පළාත් සභාව ඉදිරිපිටත් උපාධිධාරීන් ස්ථිරකරන ලෙස ඉල්ලා විරෝධතාවක්.
2019 බදවාගත් අභ්‍යාසලාභි උපාධිධාරීන් ස්ථිර කරන ලෙස ඉල්ලා පළාත් මට්ටමින් ඒකාබද්ධ සංවර්ධන නිලධාරී මධ්‍යස්ථානය විසින් පවත්වනු ලබන උද්ඝෝෂණ මාලාවේ අවසන් පළාත් උද්ඝෝෂණය ඊයේ (15) උතුරු පළාත් සභාව ඉදිරිපිටදී පැවැත්විණි.
එහිදීද පළාත් ලේකම් වරයා පවසා ඇත්තේ අදාල අමාත්‍යංශය මගින් මෙම සංවර්ධන නිලධාරීන් ස්ථිර කිරීම සදහා අනුමැතිය ලබාදිය යුතු බවයි. ඒ අනුව දිගින් දිගටම ආණ්ඩුව පොරොන්දු වූ පරිදි මෙම උපාධිධාරීන් ස්ථිර කිරීමේ ක්‍රියාව මගහරින බවත් ඒ හේතුවෙන් එළඹෙන 21 වනදා දිස්ත්‍රික් ලේකම් කාර්යාල 25 ක් නියෝජනය වන පරිදි ජාතික මටිටමින් විරෝධතාවක් පවත්වන බවත් එහි සමාජික ධම්මික මුණසිංහ පවසයි.
ආණ්ඩුව එහිදීද ප්‍රතිචාර නොදක්වන්නේ නම් ලබන වසර මුලදී අඛණ්ඩ වෘර්තීය ක්‍රියාමාර්ග සදහා යොමු වීමටද කටයුතු කරන බව අප කළ විමසීමකදී ඔහු වැඩිදුරටත් පැවසීය.
…ගමගේ…