ඉන්දියාවේ භාරතීය ජනතා පක්ෂය නේපාලය සහ ශ්රී ලංකාවේ දේශපාලන කටයුතු ව්යාප්ත කිරීමේ සැලසුමක සිටින බව ප්රකාශ කර තිබේ.
ත්රිපුරා ප්රාන්තයේ අගර්තලා අගනුවර පැවති මහජන රැළියකදී එම ප්රාන්ත ප්රධාන අමාත්ය පිප්ලාප් තේප් විසින් ප්රකාශ කර තිබුණේ ඉන්දීය අභ්යන්තර කටයුතු අමාත්ය අමිත් ෂා සෙසු නායකයන් සමග මේ පිළිබඳව කතාබහ කරමින් නේපාලයේ හා ශ්රී ලංකාවේ ආණ්ඩු බිහිකිරීමට සැලසුම් කර තිබූ බවයි.
කෙසේවෙතත් ඉන්දියාවේ විපක්ෂය පවසන්නේ ත්රිපුරා ප්රාන්තයේ ප්රධාන අමාත්යවරයාගේ ප්රකාශය සම්බන්ධයෙන් දැඩි පියවර ගත යුතු බවයි. මෙය වෙනත් රටවල අභ්යන්තර පරිපාලනයට අත පෙවීමක් ලෙස ඔවුහු චෝදනා කරති.
මෙම ප්රකාශයෙන් ඉන්දියාවේ විදෙස් පිළිවෙත අභියෝගයට ලක්වන බව ඉන්දීය මාක්ස් කොමියුනිස්ට් පක්ෂය පෙන්වා දී ඇත.