FCID අධ්‍යක්ෂ මොණරාගලට.
පොලිස් මූල්‍ය අපරාධ කොට්ඨාශයේ අධ්‍යක්ෂ ජ්‍යෙෂ්ඨ පොලිස් අධිකාරී සී.අරුණ ප්‍රේමශාන්තව මොණරාගල කොට්ඨාශයේ නියෝජ්‍ය පොලිස්පතිවරයා ලෙස උසස්වීමක් සමග ස්ථාන මාරුවක් ලබාදී තිබේ.
පොලිස් මූලස්ථානය සදහන් කළේ ඔහුට මොණරාගල කොට්ඨාශයේ නියෝජ්‍ය පොලිස්පතිවරයා ලෙස උසස්වීමක් ලබාදී ඇති බවයි.
එමෙන්ම පොලිස් මූල්‍ය අපරාධ කොට්ඨාශයේ අධ්‍යක්ෂ තනතුරේ තාවකාලික පත්වීමක් ලෙස සහකාර පොලිස් අධිකාරීවරයෙකු වන පවිත්‍ර දයාරත්න පත් කර ඇත.
පොලිස් මූල්‍ය අපරාධ කොට්ඨාශයේ හිටපු අධ්‍යක්ෂවරයා මොණරාගල නියෝජ්‍ය පොලිස්පතිවරයා ලෙස වැඩ භාර ගනු ලැබුවේ පසුගිය දා වන අතර ඔහුට නියෝජ්‍ය පොලිස්පති තනතුරක් හිමි වූයේ ඒ සම්බන්ධයෙන් ගොනු කළ මූලික අයිතිවාසිකම් පෙත්සමක තීන්දුවකට අනුකූලවයි.