මහවැලි ගඟ තරණය කරන්නට අනාදිමත් කලක පටන් පැවති සංගිලි පාලම වෙනුවට නව දොඩම්වල හා හල්ලොලූව ප්රදේශ යා කෙරෙමින් පාලමක් තැනීමට වසර 50ක ඉතිහාසයේ විවිධ අවස්ථාවල 7 වරක් පමණ මුල්ගල් තැබූවත්, එ් කිසි අවස්ථාවක පාලමේ ඉදිකිරීම් ආරම්භ කිරීමක් සිදු නොවීය. නව රජය බලයට පත්වීමත් සමඟ උසස් අධ්යාපන හා මහාමාර්ග අමාත්ය ලක්ෂ්මන් කිරිඇල්ල ගේ උපදෙස් මත 2016.01.20 වන දින පාලමේ ඉදිකිරීම් ආරම්භ කලේ වසරක කාලයක් තුල ඉදිකිරීම් අවසන් කිරීමේ සැලසුමද සහිතවයි. එ් අනුව ආරම්භ කල ඉදිකිරීම් වසරකටත් අඩු කාලයක් තුල අවසන් කිරීමට මාර්ග සංවර්ධන අධිකාරිය සමත් විය. එලෙස කඩිනමින් අවසන් වූ පාලම අද දින ජනාධිපතිවරයාගේ සුරතින් ජනතා අයිතියට පත් කරන ලදි.