තම තමන්ගේ ජීවිත විතරක් රැකගෙන වසංගතයෙන් ගොඩ එන්න බෑ.
තම තමන්ගේ ජීවිත විතරක් රැකගෙන වසංගතයෙන් ගොඩ ඒමට නොහැකි බවත් එකිනෙකාට හැකි අයුරින් උදවු කර ගැනීම තුලින්ම පමනක් මෙම කොවිඩ් වසංගතය තුලින් ගොඩ ඒමට හැකි බවත් ප්‍රවීන රංගන ශිල්පිනී චාන්දනී සෙනෙවිරත්න පවසයි. ඇය මේ බව සදහන් කලේ පසුගියදා අසිරි හදවත සංවිධානයේ පළමු මාධ්‍ය හමුවට එක්වෙමිනි.
මේ වන විට බොහෝමයක් දෙනා අසල්වැසියා වෛරසයට ගොදුරුවූ විට පලායන තත්වයකට පත්ව ඇති බවත් මනුෂ්‍යයන් විදියට එසේ නොකර ඔවුන්ද රැකබලා ගනිමින් මෙම වසංගතයෙන් මිදීමට කටයුතු කරන ලෙසද ඇය ඉල්ලා සිටී.
මේ අවස්ථාවේ සියලුම දෙනා වසංගතයෙන් ගොඩ ඒම සදහා හැකි අයුරින් දායකත්වය ලබා දෙන ලෙසත් මුහුණු පොත බලමින් කම්පාවට පත්වෙමින් දුක්වෙමින් සිටිනවාට වඩා වසංගතයට එරෙහිව එක්ව සටන් කිරීම ආරම්භ කරන ලෙසද ඇය වැඩි දුරටත් පැවසීය.
…ගමගේ…