එක්සත් ජනතා නිදහස් සන්ධානය නියෝජනය කරන කිසිදු මන්ත්රිවරයකුට හිතුමතේ ස්වාධීන වීමට කිසිම හිමිකමක් නැතැයි එහි මහ ලේකම් මහින්ද අමරවීර කියා සිටියි.
කිසියම් මන්ත්රිවරයකුට ස්වාධීන වීමට වුවමනාවක් ඇත්නම් ඒ බව ලිඛිතව මහ ලේකම්වරයාට දැන්විය යුතු බවත් මහ ලේකම්වරයාගේ පූර්ණ අනුමැතිය නොමැතිව යම් මන්ත්රිවරයකු ස්වාධීන වන්නේ නම් ඔහු සම්බන්ධයෙන් විනය ක්රියාමාර්ග ගැනීමට සිදුවන බවත් උතුරු මැද පළාත් සභාවේ සන්ධාන මන්ත්රිවරුන් ස්වාධීන වීමට ගත් තීරණය සම්බන්ධයෙන් අදහස් දක්වමින් ඹහු එසේ සදහන් කරඇත.
යම් මන්ත්රිවරයකු ස්වාධීන වනවිට පක්ෂය කඩා වැටෙන බවත් එසේ වන්නේ නම් ඉන් අසරණ වන්නේ පාක්ෂිකයන් බවත් පවසා ඇති ඇමති අමරවීර සන්ධානයෙන් තරග කර පළාත් සභාවට තේරී පත්වූවන් ස්වාධීන වන්නේ කෙසේ දැයි විමසීය.
සන්ධානයෙන් තරග කර ජනතා නියෝජිතයන් ලෙස තෝරා පත්කර ගත් අපේක්ෂකයන් නිරන්තරයෙන් ජනතා අපේක්ෂාවෙන් ඉටුකළ යුතු බවත් එසේ නොකරන ජනතා නියෝජිතයන් පිළිබඳව තද තීරණ ගැනීමට ජනාධිපතිවරයාද තීන්දු කර ඇති බවත් නුදුරේදීම පක්ෂය තුළ විශාල පෙරළියක් සිදුවන බවද සදහන්කර සිටියි.