අල්ලස් ලබාදීම ඇතුළු චෝදනා කීපයක්ට පසුගිය පෙබරවාරි මාසයේ දී අත්අඩංගුවට ගත් සැම්සුන් සමාගමේ ප්රධාන විධායක නිළධාරි ලී ජායේ-යොං එම චෝදනා වලට වැරදිකරු වීම හේතුවෙන් වසර පහක සිර දඬුවමක් නියම කිරීමට දකුණු කොරියානු අධිකරණයක් නියෝග කළේය.
ඔහු එම චෝදනා ප්රතික්ෂේප කරන නමුත්, දකුණු කොරියාවේ හිටපු ජනාධිපතිනි පාක් ගුන් හේට එරෙහිව දෝෂාභියෝගයක් ගෙනඒමට හේතුපාදක වූ අපචාර චෝදනා සම්බන්ධයෙන් ද ලී ජායේ-යොංට එරෙහිව විමර්ශන ක්රියාත්මක විය.
දේශපාලනික අනුග්රහය ලබාගැනීමේ අරමුණින් හිටපු ජනාධිපතිනියගේ හිතවතියක විසින් පවත්වාගෙන ගිය ලාභ අරමුණු කර නොගත් පදනමකට ඩොලර් මිලියන තිස් හයක මුදලක් ලබා දී ඇති බවට ඔහුට චෝදනා එල්ල වේ. තවද, අල්ලස් දීම, මූල්ය වංචා සහ විදෙස් රටවල වත්කම් සඟවා තැබීම යන චෝදනා ද ඔහුට එරෙහි චෝදනා අතර වේ.
අධිකරණ තීන්දුවට එරෙහිව අභියාචනයක් ඉදිරිපත් කරන බව ලී ජායේ-යොංගේ නීතිඥයෙකු පැවසීය.
අදාළ අධිකරණ නියෝගය ලබා දීමත් සමග කොටස් වෙළෙඳපළේ සැම්සුන් කොටස් මිල 1% පහත වැටුනු බව සදහන් වෙයි.