අපි පස්සට යන්නේ නැහැ. අගමැති මාතලේදී කියයි.
අපි ඉදිරියට යන්න හිතන අයගේ පක්‍ෂය. අපි ජනතාවගේ පක්‍ෂය. අපි තවම පළාත් සභාවලත් ප්‍රාදේශීය සභාවලත් විපක්‍ෂයේ ඉන්න පක්‍ෂය. අපි විප්ලවයක් කරල ජාතික ආණ්ඩුවක් ඇති කළ පක්‍ෂය.
අපි පස්සට යන්නේ නැහැ. අපි රට ගැන හිතනවා. ඉතා අමාරු කාලෙක, මේ රටේ පවුල් ඒකාධිපතිවාදයක් තිබුණ කාලෙක, මාධ්‍ය මර්ධනයක් තිබුණ කාලෙක, සෞඛ්‍ය නිදහස් අධ්‍යාපනය කප්පාදු කළ කාලෙක. අපේ රට ලෝකෙන් කොන් වුණු කාලෙක මර්දනය තිබුණු කාලෙක රට බේරාගැනීමේ අදහසින් ශ්‍රී ලංකා නිදහස් පක්‍ෂය සමග එකතුවෙලා මෛත්‍රීපාල සිරිසේන මහතා ජනාධිපතිවරයා වශයෙන් පත් කරලා රට ඉදිරියට ගෙනයාමට කටයුතු කළා.
එදා බොහෝදෙනා කිව්වා රනිල් වික්‍රමසිංහට අනාගතයක් නැහැ කියලා. නමුත් අපි ඒ අභියෝගය ජයගත්තා.
මේ රටේ ජාතික ධනය සොරකම් කිරීම නවත්වන්න. මේ රටේ නිදහස් අධ්‍යාපනය කප්පාදු කිරීම, නිදහස් සෞඛ්‍ය සේවය කප්පාදු කිරීම නවත්වන්න. මේ රටේ තරුණ තරුණියන්ට රැකියා ලබා දෙන්න. ශක්තිමත් මධ්‍යම පන්තියක් ඇති කරන්න. ග්‍රාමීය ආර්ථිකය කඩාවැටීම නවත්වන්න. යහපාලනයක් ඇති කරන්න. ඒ වගේම අලුත් ආණ්ඩු ක්‍රමයක් ඇති කරන්න. අපි දැන් ජනතාවට දුන් පොරොන්දු ඉටු කළ යුතුයි. සමහරු මේ වැඩ කටයුතුවලට විරුද්ධ වේවි. ප්‍රජාතන්ත්‍රවාදී සමාජයක් තුළ එසේ විරුද්ධවීමට අවකාශ තිබෙනවා. අපට දොස් කියන්න පුළුවන්, විකල්ප යෝජනා ඉදිරිපත් කරන්නට පුළුවන්. මේවා ප්‍රශ්න නොවෙයි ප්‍රජාතන්ත්‍රවාදයේ කොටසක් පමණයි.
අපිත් අපේ වැඩ සටහන ඉෂ්ඨ කරගෙන යනවා. දූෂණවල යෙදුණ අය අල්ලනවා. සමහරු ඩීල් දානවා කියල මට බැන්නා. අපි වැඩකරන්නේ නීතියට අනුවයි. වැරැද්ද නිවැරැද්ද උසාවිය තීන්දු කරාවි. මම කියා තිබෙන්නේ සියයට දෙසීයක් විශ්වාස නැත්නම් නඩු පවරන්න එපා කියලයි. එහෙම නැත්නම් යමක් හෝ සිදු වුණොත් අපට දොස් පවරාවි