7 වැනිදා වැඩ වර්ජනය ගැන ලේකම්ට කියයි.

වෛද්‍ය උපාධි විකුණන සයිටම් ආයතනය අහෝසි කරන ලෙසට ආණ්ඩුවට බලකරමින් 2017.04.07 දින උදෑසන 8.00 සිට පැය විසිහතරක කාලයක් වැඩ වර්ජනයක නිරත වීමට  තීරණය කර ඇති බව සමස්ත ලංකා වෛද්‍ය නිළධාරීන්ගේ සංගමය සෞඛ්‍ය අමාත්‍යාංශයේ ලේකම් වෙත දැනුම් දෙයි.  එහෙත් හදිසි ප‍්‍රතිකාර, පිළිකා රෝහල්, මාතෘ හා ළමා රෝහල් වල ප‍්‍රතිකාර කටයුතු සිදු කරන බවත් මෙම වෛද්‍ය වැඩ වර්ජනය නිසා රෝගීන් අපහසුතාවයට පත්වීමේ වගකීම සම්පූර්ණයෙන් ආණ්ඩුව බාර ගත යුතුබවත්, සයිටම් ආයතනය ආහෝසි කිරීමට ආණ්ඩුව කටයුතු නොකරන්නේ නම් ඉදිරියේදී අඛණ්ඩ වැඩ වර්ජන ක‍්‍රියාමාර්ගයකට යාමට සිදුවන බවද එම  සංගමය වැඩි දුරටත් කියා සිටියි.